MEK-ə “Qızılbaş ensiklopediyası: 1001 termin və xüsusi ad” kitabı hədiyyə olunub

2024-12-25

AMEA-nın Mərkəzi Elmi Kitabxanasında Şah İsmayıl Xətainin vəfatının 500-cü ildönümünə həsr olunmuş ikicildlik “Qızılbaş ensiklopediyası: 1001 termin və xüsusi ad” kitabının təqdimat mərasimi keçirilib.

Tədbir müddəti Avrasiya Beynəlxalq İnkişaf Assosiasiyasının İdarə heyətinin sədri Elçin Əsgərov yeni nəşri AMEA-nın Mərkəzi Elmi Kitabxanasının direktoru texnika elmləri doktoru Hüseyn Hüseynova təqdim edib.

Qeyd edək ki, AMEA-nın Abbasqulu Ağa Bakıxanov adına Tarix və Etnologiya İnstitutu və Avrasiya Beynəlxalq İnkişaf Assosiasiyasının birgə təşkilatçılığı ilə baş tutan tədbirdə AMEA-nın prezidenti akademik İsa Həbibbəyli, ABİA-nın İdarə heyətinin sədri Elçin Əsgərov və digər mötəbər qonaqlar iştirak ediblər.