MEK tərəfindən növbəti biblioqrafik göstərici tərtib edilib

08-09-22

Azərbaycan Milli Elmlər Akademiyasının (AMEA) Mərkəzi Elmi Kitabxanası (MEK) tərəfindən tərtib edilən növbəti biblioqrafik göstəricidə professor, müxbir üzv Vaqif Sabir oğlu Quliyevin həyatı, elmi fəaliyyətinin əsas tarixləri, əsərlərinin biblioqrafiyası - kitab və elmi məqalələri, beynəlxalq əhəmiyyətli konfrans, konqres, simpoziumlardakı çıxışları, məruzələri və s. əksini tapıb. Biblioqrafik göstəricinin elmi redaktoru MEK-in baş direktoru fəlsəfə elmləri doktoru, professor Məmməd Əliyev, redaktoru MEK-in Biblioqrafiya şöbəsinin müdiri, Əməkdar mədəniyyət işçisi Xuraman İsmayılova, tərtibçisi isə Rəna Cavadovadır. Qeyd edək ki, görkəmli elm adamının 65 illik yubileyinə həsr olunmuş bu biblioqrafik göstərici riyaziyyat sahəsində çalışan alim və mütəxəssislər, ali məktəb tələbələri, həmçinin geniş oxucu kütləsi üçün nəzərdə tutulub.