R. Bahar Sonam. Yanar qəlb.... Bakı, Elm və təhsil, 2016.

R.Bahar Sonamın Azərbaycan Milli Oftalmologiyasının görkəmli alimi, akademik Zərifə xanım Əziz qızı Əliyevanın əziz xatirəsinə həsr etdiyi "Yanar qəlb" kitabı sənədli materialları əsasında yazılmış aftobioqrafik əsərdir. R.Bahar Sonam bu kitabı bir alim Ananın – tibb sahəsində böyük xidmətləri olmuş Zərifə xanım Əliyevanın müqəddəs ruhuna həsr etmiş və sonsuz övlad məhəbbəti ilə qələmə almışdır. Hərbi yazıçı-jurnalistin 2007-ci ildən üzərində çalışdığı "Yanar qəlb" akademik Zərifə Əziz qızı Əliyeva haqqında ilk bədii-sənədli kitabdır. "Yanar qəlb"in poetik lirikasında bəşəri, sonsuz bir etiraf, həsrət vardır. Və bu ağır, göynək hisslər hər bir insanın məhrəm duyğularına toxunacaqdır.