Quliyev Röfət Əli oğlu. Azərbaycanda müasir fizikanın banisi və elm təşkilatçısı akademik Həsən Abdullayev. Bakı, Elm və təhsil, 2018.

Akademik Həsən Məmmədbağır oğlu Abdullayev (1918-1993) müasir Azərbaycan elminin tarixində özünəməxsus yeri və rolu olan alimlərimizdəndir. O, ölkəmizdə yüksək texnologiyaların əsasını təşkil edən yarımkeçiricilər fizikası məktəbinin banisi olmaqla bərabər, geniş elmi təşkilatçılıq fəaliyyəti ilə yadda qalmışdır. Oxucuya təqdim edilən bu kitabda keçmiş SSRİ Elmlər Akademiyasının müxbir üzvü, Fizika İnstitutunun direktoru (1957-1993), Azərbaycan Elmlər Akademiyasının prezidenti (1970-1983), Əməkdar elm xadimi Həsən Abdullayevin nəhəng elmi və elmi-təşkilatçııq fəaliyyəti işıqlandırılır. Kitabda ötən yüzillikdə Azərbaycanda fizika elminin formalaşması və inkişafı tarixi, 1970-1980-ci illərdə Azərbaycan elminin əldə etdiyi parlaq nailiyyətlər nəzərdən keçirilir. Akademik Həsən Abdullayevin həmkarları olan görkəmli alimlərin və müasirlərinin xatirələrinə, həmçinin görkəmli alimin mənəvi portretini səciyyələndirən elmi-fəlsəfi baxışlarına geniş yer verilmişdir.