Əliyev İlham Heydər oğlu. İnkişaf - məqsədimizdir: altmışıncı kitab: oktyabr 2013-dekabr 2013. Bakı, Azərnəşr, 2018.

Azərbaycan Respublikasının Prezidenti İlham Əliyevin oxuculara təqdim olunan «İnkişaf–məqsədimizdir» çoxcildliyinin bu cildində III Bakı Beynəlxalq Humanitar Forumunda, həmçinin «Şahdəniz-2» üzrə yekun investisiya qərarının imzalanması mərasimində iştirak etmək üçün ölkəmizə gəlmiş dünyanın nüfuzlu ictimai-siyasi və dövlət xadimləri ilə, beynəlxalq qurumların, şirkət və konsorsiumların rəhbərləri ilə görüş və danışıqlarına dair materiallar yer almışdır. Dövlətimizin başçısı mərasimdə vurğuladı ki, «Şahdəniz2» layihəsi Azərbaycan və Gürcüstan ərazisi boyunca Cənubi Qafqaz boru kəmərinin genişləndirilməsinə xidmət etməklə, Trans–Anadolu və Trans–Adriatik qaz boru kəmərlərinin tikintisi ilə bağlı planların reallaşmasına təkan verəcək.