. Birillik Azərbaycan Kitabiyyatı - 2004-cü il. Bakı, Azərbaycan Milli Kitabxanası, 2007.

2004-cü ildə M.F.Axundov adına Dövlət Kitabxanasına «Milli Kitabxana» statusu verildikdən sonra milli biblioqrafiya vəsaitlərinin nəşri işi yenidən gündəmə gəldi və bu ilin iyununda 1990-cı ilə aid ilk buraxılış uzun fasilədən sonra işıq üzü gördü - oxuculara təqdim olundu. Bir qədər sonra isə 1991-ci ilə aid ikinci buraxılış çap olundu. Birillik Azərbaycan kitabiyyatının 2004-cü ilə aid buraxılışı Azərbaycan Milli Kitabxanası tərəfindən bu qismdən dərc olunan beşinci vəsaitdir. Bu buraxılış üçün materialların toplanmasında Milli Kitabxananın mütəxəssisləri ilə yanaşı, elmi kitabxanaların və bir sıra nəşriyyatların VƏ universitetlərin kitabxanalarının mütəxəssisləri də iştirak etmişlər. Burada 2004-cü ildə Azərbaycan Respublikasının ərazisində nəşr edilmiş 2203 kitab və kitabça barəsində biblioqrafik informasiya öz əksini tapmışdır. Biblioqrafik təsvirlər QOST 7.1- 2003 «Biblioqrafik yazı. Biblioqrafik təsvir. Ümumi tələbat və tərtibat qaydaları əsasında tərtib edilmişdir. Toplanmış material elm və fəaliyyət sahələri üzrə dövlət biblioqrafiyası orqanlarında istifadə edilən yuxarıda qeyd edilən QOST əsasında təsnifləşdirilmişdir