Babayev Tofiq Ağababa oğlu.. ŞUŞA: bu qala, bizim qala... (etnoqrafik etüdlər). Bakı, "Zərdabi Nəşr" MMC, 2024.

Respublikanın əməkdar mədəniyyət işçisi, tarix üzrə fəlsəfə doktoru, dosent Tofiq Babayevin oxuculara təqdim etdiyi növbəti kitabı Şuşanın şəhər kimi yaranma tarixinə, Qarabağ xanlığının paytaxtına çevrilməsinə, milli şəhərsalma mədəniyyətinin ənənələri əsasında inkişafına, məhəllə adlarının etimologiyası ilə bağlı məsələlərə - onların nəsil, tayfa, peşə-sənət sahələri ilə bağlılıq dərəcəsinə, şəhərin memarlıq quruluşuna, iqtisadi-ticari həyatına, görkəmli şəxsiyyətlərinə və onların Azərbaycanın ictimai fikir tarixində, elm, ədəbiyyat və mədəniyyətin inkişafındakı roluna və s. həsr olunmuşdur.