Əlizadə Əsgərli. HEYDƏR ƏLİYEV: dünya sivilizasiyasında elit şəxsiyyət. Bakı, Elm və təhsil, 2023.

2023-ci il "Heydər Əiyev İli"dir. Kitab Azərbaycan xalqının Ümummilli lideri, müstəqil milli dövlətin qurucusu, görkəmli dövlət xadimi Heydər Əlirza oğlu Əliyevin anadan olmasının 100 illiyinə həsr edilib. Heydər Əliyev tarixin fenomen şəxsiyyətidir. Dünyanın dövlət və siyasi-ictimai xadimləri onu qəbul edib, ondan yazıb, haqqında qiymətli fikirlər söyləyiblər. Dünya sivilizasiyasında elit şəxsiyyət kimi tarixi ad qazanmış Heydər Əliyev ictimai-humanitar sahənin fikir və düşüncə adamlarının da elmi-tədqiqat obyekti, KİV-in qüdrətli təbliğat mənbəyi olub. Ümumən, publisistika və jurnalistika məktəbinin görkəmli nümayəndələri də bu böyük rəhbərdən qürurla söz açıb, haqqında fəxarətlə yazıblar. "HEYDƏR ƏLİYEV: dünya sivilizasiyasında elit şəxsiyyət" adlı kitab zəngin faktlara, informasiyaya əsaslanıb və Heydər Əliyevin dünyadakı nadir şəxsiyyətini və dühasını təcəssüm etdirib. Kitabda dünya sivilizasiyasının reallıqları, onu şərtləndirən və formalaşdıran amillər göstərilib, siyasət, diplomatiya, liderlik, habelə, iqtisadiyyat və mədəniyyət sahəsində Ümummilli liderin Şərq və Qərb sivilizasiyalarına verdiyi töhfələr və dünyanın tarixi-siyasi şəxsiyyətlərinin Ulu öndərə verdikləri bəşəri qiymət təcəssüm olunub. Kitabda qurucu və yaradıcı milli lider İlham Əliyevin siyasi irs və varislik sahəsində tarixi uğurları, əməli fəaliyyətinə verilən qiymət və haqqında söylənilən dəyərli fikirlər ümumiləşdirilib