. Azərbaycan kinosu. Ensiklopedik lüğət. II cilddə, 2-ci cild. Bakı, Elm və təhsil, 2017.

Azərbaycan kinosu. Ensiklopedik lüğət - kino sənətinin tarixi və müasir vəziyyətini yığcam şəkildə işıqlandıran elmi-soraq nəşridir. Azərbaycan kinosu. Ensiklopedik lüğət - Azərbaycan Respublikasının Prezidenti İlham Əliyevin 2008-ci il 4 avqust tarixli, 2961 nömrəli Sərəncamı ilə təsdiq olunmuş Azərbaycan kinosunun 2008-2018-ci illər üzrə inkişafına dair Dövlət Proqramına uyğun olaraq nəşr edilib. Ensiklopedik lüğətdə (EL) Azərbaycan kinematoqrafiyasının tarixi, estetik prinsipləri, kino qurumları haqqında Azərbaycan kinematoqrafiyası, Azərbaycanfilm və digər məqalələrdə söhbət açılmışdır. Nəşrdə eyni zamanda film istehsalı ilə məşğul olan dövlət və özəl studiyalar, şirkətlər, səhmdar cəmiyyətləri və respublikamızın kino işçilərı rejissorlar. ssenaristlər, operatorlar, rəssamlar, bəstəkarlar, səs operatorları, aktyorlar, film direktorları, prodüserlər və başqaları haqqında məlumat verilir