Məmmədov Cabbar Manaf oğlu. TURAN QILINCI. Bakı, , 2023.

Bu kitab – Azərbaycan tarixinin yaxın 50 ildəki keşməkeşli yollarına həsr olunub. Daha doğrusu, həmin tarix burada bədii formada işlənir. Burada Azərbaycanın azadlığının, müstəqilliyinin 1990-cı ilə qədər Moskva, ondan sonra Qərb dairələri tərəfindən ən müxtəlif formada boğulması və fədakar Azərbaycan oğullarının (H.Əliyev, B.Vahabzadə, Xalq hərəkatı nümayəndələri və b.) bu təsirlərə, təzyiqlərə qarşı gizli mübarizəsi, 1990-cı illərdəki müstəqillik hərəkatında bütün Azərbaycan oğullarının, ziyalarının, siyasətçilərinin əlbir formada meydana atılıb mücadilə aparması, 20 yanvar qırğınına qarşı eyni qayda ilə bunların hər birinin bacardığı formada müqavimət göstərməsi, müstəqillik əldə edəndən sonra ölkəmizin bir-sıra ölüm-dirim savaşlarından keçərək nəhayət bugünkü qüdrətli Azərbaycana çevrilməsi tarixçəsi əks olunur. Kitabın əsas qayəsi – bugünkü təlatümlü dünyada getdikcə artan xarici təhlükələrə qarşı bütün Azərbaycan xalqını birləşdirməkdir. Bu səbəbdən burada müxalifət anlayışı yoxdur. Azərbaycanın iqtidar, müxalifət cəbhəsindən olan tanınmış bütün siyasətçilər bu kitabda Azərbaycanın cəmi düşmənlərinə qarşı birgə mübarizə aparan cəbhədə təsvir olunur. Yalnız bəzi hissələrdə hansısa mücərrəd 5-ci kalondan bəhs olunur ki, onlar xarici qüvvələrdən dəstək alaraq Azərbaycanda müəyyən pozucu fəaliyyətlə məşğul olurlar. Kitab, Azərbaycan dövlətçiliyinin yaxın 50 illik tarixi ilə maraqlanan hər kəs üçün maraqlı ola bilər