Məhərrəm Zülfüqarlı. Yer üzündən silinmiş müdafiə istehkamı Quba qalası (1747-1870). Bakı, Mütərcim, 2023.

Kitab çar Rusiyası tərəfindən yer üzündən silinmiş Quba qalasının tarixinə həsr olunub. Kitabda Quba qalası ilə yanaşı Azərbaycanın digər qalaları haqqında da qısa məlumatlar verilib. Kitab 16 ildən artıq tədqiqatların nəticəsində ərsəyə gəlib. Uzun araşdırmalardan sonra yer üzündən silinmiş Quba qalasının 1811-ci ilə aid planının əldə olunmasını tədqiqatın uğuru hesab etmək olar. Bu plan yaxın gələcəkdə qala divarlarının maketinin hazırlanması, yeraltı tunellərin bərpa edilib turistlərin istifadəsinə verilməsi işində səlahiyyətli qurumlara yaxından kömək göstərə bilər. Kitab ali təhsilin bakalavr, magistrant, doktorant pillələrində təhsil alanlar və geniş oxucu kütləsi üçün nəzərdə tutulub