Bünyatov Şövqi Yusif oğlu. 20 Yanvar hadisəsi və Aprel döyüşlərinin milli ruhumuzun inkişafındakı rolu. Bakı, Zardabi LTD MMC, 2017.

Kitab ən yeni dövr Azərbaycan tarixində iki əhəmiyyətli hadisənin 1990-cı il 20 Yanvar faciəsinin və 2016-cı il aprel döyüşlərinin təhlilinə həsr edilib. Burada Azərbaycanın müstəqilliyinin əvvəlində baş vermiş faciə və ar- tıq müstəqillik qazanmış gənc Respublikanın milli ordusunun cəbhədə əldə et- diyi qələbə arasında müqayisələr aparılır və əsas diqqət Lider-millət vəhdətinin taleyüklü əhəmiyyətinə ayrılır. Kitab əsas hissədən və əlavədən ibarətdir. Üç fəsildən ibarət əsas hissə- də tarixi faktlara istinad edərək əvvəlcə yanvar hadisələrində Ümummilli Li- der Heydər Əliyevin öz millətinə göstərdiyi mənəvi dəstək araşdırılır və milli ruhun yüksəldilməsində bu dəstəyin önəmi ön plana çəkilir. İkinci fəsildə 20 Yanvar faciəsindən 26 il sonra "Dördgünlük müharibədə" qazanılan uğur güclü Liderin və iradəli millətin birliyinin nəticəsi kimi təhlil edilir. Üçüncü fəsildə isə hər iki hadisə arasında oxşar və fərqli məqamlar araşdırılır. Əlavələrdə Ulu Öndər Heydər Əliyevin və Azərbaycan Respublikası Prezidenti İlham Əliyevin müvafiq hadisələrlə bağlı bəyanatları, çıxışları, əmr və fərmanlarının mətnləri təqdim edilir. Kitab geniş oxucu kütləsi üçün nəzərdə tutulub.