Hacıyeva Zemfira Əli qızı. İrəvan xanlığının tarixşünaslığı. Bakı, Çaşıoğlu, 2012.

XVIII yüzilliyin ortalarında Azərbaycan ərazisində yaranmış feodal dövlətlər müstəqil dövlətçilin ənənələrini özündə ehtiva etmiş, XIX əsrin əvvəlinə, bəziləri isə 1828-ci ilə qədər mövcudluğunu qoruya bilmiş, ənsəriyyəti suveren xırda dövlətlər tariximizdə “Azərbaycan xanlıqları” adı ilə yaşamış, milli salnaməmizdə, qan yaddaşında silinməz izlər buraxmışlar. Xanlıqlar sırasında öz fərdiliyi ilə seçilən, Rusiya imperiyasının işğalçı qüvvələrinin hücumlarına rəşadətlə müqavimət göstərmiş, sonda (4-cü hücumu zamanı) xəyanətlə təslim edilmiş İrəvan xanlığıdır.