Əliheydər Hüseynov, Təranə Hüseynova, Abbas Abdullayev. Səməd Mənsur. Seçilmiş əsərləri. Bakı, Şərq-Qərb, 2006.

XX əsrin əvvəllərinin ictimai-siyasi və tarixi hadisələrlə zəngin dövründə Azərbaycan ədəbi fikrinin yetirdiyi tanınmış şairlərdən biri Səməd Mənsurdur. Təkcə klassik poeziya nümunələri yaratmaqla kifayətlənməyib, həmçinin satirik şerin gözəl nümunələrini yaradan və "Molla Nəsrəddin" ədəbi məktəbinin nümayəndəsi olaraq da tanınan S.Mənsurun ustadları lirikada milli şeir dühamız Məhəmməd Füzuli, satirada isə böyük Mirzə Ələkbər Sabir idi. Böyük ideallarla yaşayan və yaradıcılığının başlıca xəttini milli mənlik, Vətən və müstəqillik düşüncəsi təşkil edən şair dövrün haqsızlıqlarına dözə bilməmiş, vaxtsız dünyasını dəyişmişdir. Neçə-neçə şeirləşmədə uğur qazandığı üçün "Mənsur" təxəllüsünə layiq görülən, "Hopsi rəngdir", "Naz et" və s. əsərləri XX əsr Azərbaycan poeziyasının qızıl fonduna daxil olan S.Mənsur eyni zamanda felyetonlar ustası, dramaturq, aktyor, naşir kimi də tanınmışdır