Səhənd. Seçilmiş əsərləri. Bakı, Şərq-Qərb, 2006.

Güney Azərbaycan ədəbiyyatının inkişafında diqqətəlayiq xidmətlər göstərmiş mübariz ruhlu şair Bulud Qaraçorlu Səhənd (1926-1979) şərəfli bir ömür yolu keçmişdir. Onun vətənpərvərlik ehtirası ilə aşılanınış əsərlərində milli azadlıq hərəkatı özünün parlaq əksini tapmışdır. Şəhriyarla birlikdə Səhənd yaradıcılığı anadilli, inqilabi-romantik ruhlu Cənubi Azərbaycan poeziyasının 1950-1970-ci illərdəki çox böyük hadisəsi olmuşdur. Ustad Şəhriyar məşhur "Səhəndiyyə"sini məhz ona həsr etmişdir. Azərbaycan türkcəsinin şeirdə, mətbuatda yayılmasında Səhəndin hərarətli şeirləri əvəzsiz rol oynamışdır. Şeir tariximizdə onun adı Azərbaycanın millilik, xəlqilik və azadlıq poeziyasını yaradanlardan biri kimi həmişə yaşayacaqdır