Ağbabalı Səyyad. Ağbaba. Bakı, CBS-PP, 2023.

“Ağbaba” poemasının müəllifi Səyyad Ağbabalı Azərbaycan tamaşaçısının, dinləyicisinin və oxucusunun yaxşı tanıdığı jurnalistdir. Onun qələminin məhsulu olan kitablarının və digər yazılarının mayasında vətən, millət, dövlətsevgisi durur. Acılışirinli xatirələrindən süzülüb gələn “Ağbaba” poeması isə müəllifin vətən həsrətindən, itirilmiş torpaqlara qayıtmaq üçün aparılmalı olan mübarizədən, Ağbabanın adət-ənənələrini qoruyub saxlamaq istəyindən, Bütöv Azərbaycan naminə düşüncələrindən ərsəyə gəlmişdir. “Ağbaba”da qədim türk-oğuz yurdu olan Ağbaba və Şörəyelin keşməkeşli tarixi keçmişi, acı taleyi, həmçinin bu yurd yerimiz uğrunda, sözün əsl mənasında, qəhrəmanlıq göstərən şəxsiyyətləri oxuculara tutarlı tarixi faktlarla təqdim olunur. Müəllif əcdadlar yurduna dönüşə inamı ifadə edir, hər kəsi bu müqəddəs amal üçün mübarizəyə səsləyir.