Şirazi Xacə Zeynalabidin Əli Əbdi bəy. Təkmilətül-əxbar: Səfəvi dövrü - Şah İsmayıl və Şah Təhmasib dövrlərinin tarixi. Bakı, Elm, 1996.

Əsər 1570-ci ildə Ərdəbil şəhərində yazılmışdır. Ümumi tarix olan bu əsərdə hadisələr dünyanın yaranışından, yəni Adəmdən 1570-ci ilə qədər təsvir olunmuşdur. Azərbaycan dilinə ancaq Şah İsmayıl və ġah Təhmasib dövrləri (1500-1570-ci illər) tərcümə edilmişdir. Tərcümə zamanı XVI əsrdə yazılmış başqa tarixi əsərlərlə müqayisə edilmiş və kitabın sonunda şərhlər verilmişdir. Əbdi bəy bu tarixi əsərini ġah Təhmasibin qızı Pərixan xanıma (1548-1578) ithaf etmişdir. Əsər Azərbaycan dilinə Tehranda Məclisi-ġurayi-Milli kitabxanası və Respublika Əlyazmaları İnstitutunda saxlanılan iki nüsxə əsasında tərcümə olunmuşdur. Kitaba geniş müqəddimə yazılmışdır. Əsər ilk dəfə tərcümə və çap edilir.