A.B.MİRZƏYEV, F.B.ŞIXƏLİYEV. Abşeron yarımadası və Xəzər dənizinin Azərbaycan sektorunda yerləşən neft mədən ərazilərinin ekoloji problemləri və onlarm aradan qaldırılması yolları. Bakı, Elm, 2012.

Monoqrafiyada Abşeron yarımadası və Xəzər dənizinin Azərbaycan sektorunda neft-qazçıxarma sənayesinin inkişafı və ekoloji aspektləri hərtərəfli təhlil edilmişdir. Tədqiqatların nəticələri göstərir ki, 160 ildən çox bir dövr ərzində neft-qazçıxarma sənayesinin inkişafı ekoloji aspektlər, ekoloji amillər nəzərə alınmadan həyata keçirilmişdir. Bu isə təbii mühitin özünü bərpa prosesini pozmuş, onun bir sıra deqradasiyaedici təsirə malik olan inqridiyentlərlə çirklənməsinə səbəb olmuşdur.