Hüseyn Abbaszadə. Seçilmiş əsərləri. İki cilddə. II cild. Bakı, Şərq-Qərb, 2006.

Hüseyn Abbaszadənin "Seçilmiş əsərləri"nin ikinci cildinə onun "Burulğanlar" romanı daxil edilmişdir. Romanda yoxsul ailədən çıxmış, fiziki cəhətdən çox güclü olan bir sadə insanın yarınəsrlik ömür yolu, onun qarşısına çıxan çətinliklər və acınacaqlı taleyi təsvir olunur. Bu məhrumiyyətlər onun insanlıq ləyaqətinə, mənəviyyatına, həyat eşqinə mane ola bilmir. Müxtəlif dillərə tərcümə olunmuş "Burulğanlar" romanı 1984-cü ildə Azərbaycan Dövlət mükafatına layiq görülmüşdür.