Həbib Sahir. Seçilmiş əsərləri. Bakı, "Lider nəşriyyat", 2005.

Həbib Sahir (1903-1988) Güney Azərbaycanın ən böyük çağdaş şairlərindəndir. Ömrünün səmərəli çağını milli haqsızlıq illərində yaşayan şair doğma ana dilində, eləcə də Türkiyə türkcəsində, fars və ərəb dillərində dəyərli əsərlər yaratmış, həm əruz, heca, həm də sərbəst vəzndə yazdığı şeirlərlə Güney ədəbiyyatımıza yeni bir ruh gətirmişdir. Nəfəslərin boğulduğu, arzuların söndüyü, dillərin bağlandığı və kitabların yandırıldığı bir dövrdə belə Sahirin səsi heç zaman susmamış, onun xalqın ağır və dözülməz həyatını əks etdirən kin və həsrət dolu nəğmələri gah Təbrizdən, gah Zəncandan, gah Ərdəbildən, gah Qəzvindən və gah da Tehrandan eşidilmişdir. Seçilmiş əsərlərindən ibarət olan bu kitabda şairin milli-azadlıq amalın- dan yoğrulmuş şeirləri toplanmışdır. Həmin şeirlər "eşq", "yurd sevgisi" və "həsrət" nəğmələrinin dilimizin bütün gözəlliyi ilə tərənnüm edildiyi bir səsdi