Fridrix Şiller. Seçilmiş əsərləri. Bakı, Şərq-Qərb, 2009.

Alman xalqının böyük oğlu - şair, dramaturq, incəsənət nəzəriyyəçisi Fridrix Şiller dünya ədəbiyyatının görkəmli simaları sırasında layiqli yer tutur. Almaniyada maarifçiliyin tanınmış nümayəndəsi, yeni alman ədəbiyyatının banilərindən olan sənətkar öz yaradıcılığı ilə doğma xalqının milli mənafeyi uğrunda çıxış edən qüvvələri zülmə və istibdada, köhnəliyə və cəhalətə qarşı mübarizəyə çağırmışdır. Şiller yaradıcılığı dünya dramaturgiyasının inkişafına, o cümlədən, Cəfər Cabbar- lının ilk dövr yaradıcılığına təsir göstərmişdir. Oxuculara təqdim olunan bu kitaba qüdrətli qələm sahibinin məzmunca bir-biri ilə səsləşən üç səhnə əsəri daxil edilmişdir: "Qaçaqlar", "Genuyada Fieskonun sui-qəsdi", "Məkr və məhəbbət".