Fikrət Qoca. Seçilmiş əsərləri. Bakı, Şərq-Qərb, 2004.

Poeziyamızın ən yaşarı ənənələri zəminində yetişmiş olan Fikrət Qoca küləyin, yarpağın, suyun nəğməsini dilimizin ən zərif, ən həzin sözləriylə ifadə etməyi bacaran şairdir. Onun lirik qəhrəmanı adi insandır. Lakin bu adi insan adi olduğu qədər də qeyri-adidir, qəlbindən əsrin, zamanın ruzgarları keçir, varlığında dünyanın bütün rəngləri, çalarları əks olunur. İctimai topor, fəal vətəndaşlıq mövqeyi onun əsas "insan xasiyyətlərindəndir". Amma hər bir həqiqi bütöv insan kimi o da mürəkkəb duyğular aləminə, mənəvi zənginliyə malikdir. İnsanın mürəkkəb daxili aləminə nüfuz edərkən Fikrət Qoca həqiqətə sadiq qaldığındandır ki, oxucu onun lirik qəhrəmanına inanır. Bütün yaradıcılığı boyu öz yoluyla gedən bu təkrarsız şairin poetik "men"i yalnız yaşadığı dövrün problemləriylə deyil, yaşın özəlliyindən doğulan dünyaduyumuyla da zənginləşmiş, yüksəlmişdir. Müəllifin bu kitabında toplanan əsərləri şeir və poemaları "enişli- yoxuşlu, kədərli-sevincli, gərgin, amma zəngin bir ömrün anlarından" yaşantılardır.