ARAZ YAQUBOĞLU. Daşkənddən Yeni Daşkəndə. Bakı, “Elm və təhsil”, 2023.

Ölkəmizin yurdsevər aydınlarından olan, onlarca elmi və publisistik məqalənin, kitabın müəllifi, mahir qələm ustası, Qədim Göyçəmizlə bağlı ensiklopedik biliyə malik, vikipediyaçı, tədqiqatçı-jurnalist Araz Yaquboğlunun Yeni Daşkənd kəndinin 70 illik yubileyinə həsr olunan “DAŞKƏNDDƏN YENİ DAŞKƏNDƏ” kitabı böyük və gərgin bir əməyin məhsuludur. Kitab 1953-cü il may ayının 18-də Qərbi Azərbaycanın Göyçə mahalının Basarkeçər rayonunun Daşkənd kəndindən, öz dоğma ata-baba torpaqlarından deportasiya edilən 130 ailənin Bərdə rayonunda yenidən qurduqları Yeni Daşkəndin tarixindən, sakinlərindən bəhs edir.