Rüstəm Kamal. Kitabi-Dədə Qorqud: nitq janrları və davranış poetikas. Bakı, Nurlan, 2013.

Tanınmış ədəbiyyatşünas Rüstəm Kamalın bu kitabı Türkün ulu abidəsi “ Kitabi-Dədə Qorqud”da davranış poetikasına həsr olunmuşdur. M.Baxtinin nitq janrları, Y.Lotmanın məişət davranışı poetikası və C. Ostinin nitq aktları və performativlik nəzəriyyələri işığında epik mətn çərçivəsində nitq janrlarının (performativ, ekspressiv, fatik) təsviri verilir və onların dilin miforitual təcrübəsi ilə əlaqəsi müəyyən edilir. Eposun kommunikativ məkanının təşkilində performativlik hadisəsi təhlil edilir. Tədqiqatın metodoloji istiqamətini linqvopraqramatik və semiotik medotların vəhdəti müəyyənləşdirir.