Qulamova Jalə Elman qızı. “Yaxın və Orta Şərq ölkələrinin musiqi mədəniyyəti”. Dərs vəsaiti. Bakı, “Class Print”, 2023.

“Yaxın və Orta Şərq ölkələrinin musiqi mədəniyyəti” adlı dərs vəsaiti Azərbaycan Milli Konservatoriyasının “Etnomusiqişünaslıq” kafedra-sında tədris olunan “Şərq xalqlarının şifahi ənənəli professional musiqisi” (magistr hazırlığı) fənni üçün nəzərdə tutulmuşdur. Milli muğam sənəti Yaxın və Orta Şərq xalqlarının musiqisilə çox bənzər cəhətlərə malikdir. Buna görə də bu kurs daxilində Yaxın və Orta Şərq ölkələrinin, habelə Şimali Afrikanın Məğrib musiqisi kimi tanınan rəngarəng sənət ənənələrinin əhatə olunması nəzərdə tutulmuşdur. Dərs vəsaitindən digər musiqi yönümlü ali və orta ixtisas məktəblərinin müəllim və tələbələri də istifadə edə bilərlər.