İlyasov Müseyib İbrahim oğlu. Peşə, sənət və ixtisas seçimi haqqında söhbətlər. Bakı, Elm və təhsil, 2023.

İnsanın müəyyən seçimlər qarşısında qaldıqda düzgün qərar qəbul edə bilməsi onun ən üstün keyfiyyətlərindəndir. Bu seçimlər içərisində peşə, sənət və ixtisas seçimi həyat üçün ən zəruri seçimlərdən biridir. Lakin insan hər zaman bu seçimi istədiyi kimi edə bilmir və bəzən də seçim düzgün edilmir. Bunun əsas səbəblərindən biri peşə, ixtisas və sənət seçiminin elmi əsasları haqqında bu seçim qarşısında olan şəxsin müəyyən biliyə, məlimata malik olmamasıdır. Yeniyetmələr və gənclər üçün nəzərdə tutulan bu kitab peşə, ixtisas və sənət seçimində onlara ən yaxın köməkçi, bələdçi və yol xəritəsi ola biləcəkdir. Onlar seçim qarşısında qalarkən hansı məsələlərə daha çox diqqət verməyin vacibliyi, bacarıq və qabiliyyətlərini düzgün qiymətləndirə bilmək üçün nə etməli olduqları, istəklərinə uyğun qərar qəbul edə bilmələri üçün ilk növbədə nələri yerinə yetirəcəkləri haqqında buradan müəyyən biliklər ala biləcəklər. Kitabda həmçinin seçim qarşısında olan yeniyetmə və gənclərə kömək məqsədilə valideynlər və müəllimlər üçün də bir sıra məsləhətlər yer alır ki, bu da onun əhatə imkanlarını daha da genişləndirir.