İlyasov Müseyib İbrahim oğlu. Peşə, sənət və ixtisas seçimi haqqında söhbətlər. Bakı, Elm və təhsil, 2023.

İnsanın müəyyən seçimlər qarşısında qaldıqda düzgün qərar qəbul edə bilməsi onun ən üstün keyfiyyətlərindəndir. Bu seçimlər içərisində peşə, sənət və ixtisas seçimi həyat üçün ən zəruri seçimlərdən biridir. Lakin insan hər zaman bu seçimi istədiyi kimi edə bilmir və bəzən də seçim düzgün edilmir. Bunun əsas səbəblərindən biri peşə, ixtisas və sənət seçiminin elmi əsasları haqqında bu seçim qarşısında olan şəxsin müəyyən biliyə, məlimata malik olmamasıdır.