Əliyev İlham Heydər oğlu. İnkişaf - məqsədimizdir: yetmiş səkkizinci kitab: dekabr 2016-mart 2017. Bakı, Azərnəşr, 2019.

Azərbaycan Respublikasının Prezidenti İlham Əliyevin oxuculara təqdim olunan «İnkişaf–məqsədimizdir» çoxcildliyinin bu cildində ölkə başçısının Davosda keçirilən Dünya İqtisadi Forumunda iştirakı və «İpək yolunun səmərəsi» adlı interaktiv iclasında çıxışı, Almaniyaya səfəri çərçivəsində Münhen Təhlükəsizlik Konfransında «Avrasiyada əməkdaşlıq və problemlər» məsələlərinə həsr olunan panel müzakirədə geniş çıxışı zamanı dünyanın diqqətini bir daha Qarabağ məsələsinə yönəldərək problemin ədalətli həllinə çağırışları və bu məsələlərlə bağlı suallara tutarlı cavabları, Belçika Krallığına, Qətər Dövlətinə və Pakistan İslam Respublikasına səfərləri zamanı bu ölkələrin rəhbərləri ilə danışıqları, enerji və qeyri-neft sektoruna aid bağlanan müqavilələr, təhsil, mədəniyyət sahəsində anlaşma və hərtərəfli əməkdaşlıq məsələlərinin müzakirəsinə dair materiallar, həmçinin Əl-Cəzirə televiziyasına geniş müsahibəsi yer almışdır. Görkəmli dirijor, SSRİ Xalq artisti maestro Niyazinin abidəsinin açılışı və Azərbaycanın Milli Qəhrəmanı Çingiz Qurbanovun ailəsi ilə görüşü barədə materiallar da toplanmışdır.