Həmzə Vəliməmmədov. ONUN İŞIQLI TALEYİ (sənədli povest). Bakı, APOSTROFF, 2013.

Əməkdar jurnalist, tanınmış publisist Həmzə Vəliməmmədovun «Şəxsiyyətlər seriyasından sayca beşinci olan bu kitabı İkinci Cahan müharibəsinin cəsur döyüşçüsü, uzun illər ucqar dağ rayonunda rəhbər vəzifələrdə fəaliyyət göstərmiş, Lerikin inkişaf və tərəqqisində əvəzsiz xidmətləri olmuş mərhum Atamalı İsi oğlu Şıxəliyevin şərəfli həyat yolunu əks etdirən salnamədir. Müəllif Atamalı Şıxəliyev barədə arxiv sənədlərinə, cəbhə qəzetlərində, respublika mətbuatında dərc olunmuş yazılara, məktublara, lentə köçürülmüş söhbətlərə və xatirələrə əsasən bu kitabı qələmə almışdır. Kitabda Atamalı müəllimin təltifləri barədə sənədlərin surətləri, ailə albomundan götürülmüş fotoşəkillər də yer almışdır.