NƏRİMAN HƏSƏNZADƏ. Seçilmiş əsərləri 7 cilddə 7-ci cild . Bakı, Prometey, 2014.

Nəhayət uzun fasilədən sonra oxucuların gözlədiyi son say işıq üzü görmək üçün çapa göndərilir. Buraya sevimli Xalq şairinin bir sıra müsahibələri, müxtəlif vaxtlarda yazdığı məktublardan nümunələr və tərcümələr, aforizmlər, o cümlədən ötən əsrin ilk illərində Qazax mahalında yaşamış şair Çoban Əfqanın ağızlardan topladığı əsərləri və başqa ədəbi materiallar daxil edilmişdir. “Sovet dövründə – siyasi, Müstəqillik illərində isə iqtisadi çətinliklərlə rastlaşdıq” – deyən Xalq şairi yaradıcılığını yüksək qiymətləndirən və yeddicildliyini maliyyələşdirən nəşriyyatçı dostu Səməd Bağırova dərin təşəkkürünü bildirir.