Mövlud Süleymanlı. Seçilmiş əsərləri. Bakı, "Şərq-Qərb", 2006.

Kitaba tanınmış yazıçı Mövlud Süleymanlının yaradıcılığından seçmə nümunələr daxil edilmişdir. Povest və hekayələrdən ibarət olan bu seçmələrdə müəllif onu düşündürən, nigaran qoyan proseslərin insan mənəviyyatının içindən necə keçib getdiyini aydın göstərə bilmişdir. Yazıçının psixoloji portretlərin yaradılması və insanın ən zərif hisslərinin təsvirini verə bilməsi ilə yadda qalan əsərlərində, ümumiyyətlə, "dünya" sözünə sıx-sıx rast gəlinir ki, nağıl kimi sərhədsiz olan həmin dünyaların hər biri düşünülüb-daşınılmış, yaşanılmışdır. Cinli-şeytanlı nağıllarımızdan da bəhrələnən istedadlı nasir folkloru onun zahiri elementlərindən daha çox xalqın təfəkkür tərzi kimi qavrayaraq, çağdaş dünyaya nağıl gözüylə baxmağa və dünyanı sehirli görməyə çalışır...