Yusubova Aygün. Əhməd Nədimin poetikası. Bakı, Elm, 2023.

Monoqrafiyada XVIII əsr klassik türk şairi Əhməd Nədimin yaradıcılığı geniş və sistemli şəkildə araşdırılmışdır. Kitab Azərbaycan ədəbiyyatşünaslığında Əhməd Nədim yaradıcılığının tədqiqinə həsr olunmuş ilk irihəcmli əsərdir. Əhməd Nədimin yaşayıb-yaratdığı dövr, ədəbi mühiti, şeirlərinin dili və üslubu, tematik janr xüsusiyyətləri, poetik fiqurları, İstanbulun vəsfi, “Divan”ındakı obrazlar sistemi kitabda geniş şəkildə təhlil edilmiş, ona təsir edən ədəbi cərəyan və təmayüllər tədqiqata cəlb olunmuşdur.