Tanrıverdi Əzizxan Vəli oğlu. Dədə sözü işığında. Bakı, Elm və təhsil, 2014.

“Dədə sözü işığında” filologiya üzrə elmlər doktoru, professor Əzizxan Tanrıverdinin “Dədə Qorqud” eposunun dilinə həsr etdiyi doqquzuncu kitabdır. Monoqrafiyada “Kitab”da işlənmiş qohumluq terminləri tarixi-linqvistik müstəvidə tədqiq edilir. Oğuz kişiləri və xanımları, eləcə də kafirlərin qohumluq münasibətləri “Kitab”ın poetik strukturu kontekstində araşdırılır, eyni zamanda qorqudşünaslığa dair bir sıra əsərlərə münasibət bildirilir.