Əliyev İlham Heydər oğlu. İnkişaf - məqsədimizdir: səksən beşinci kitab: yanvar 2018-mart 2018. Bakı, Azərnəşr, 2019.

Azərbaycan Respublikasının Prezidenti İlham Əliyevin oxuculara təqdim olunan «İnkişaf–məqsədimizdir» çoxcildliyinin bu cildində dövlət başçısının Davos Dünya İqtisadi Forumunun illik toplantısında iştirakına və Forumun «Strateji baxış: Avrasiya» adlı interaktiv iclasında sualları cavablandırması, həmçinin Bakıda «Cənub Qaz Dəhlizi» Məşvərət Şurası çərçivəsində nazirlərin dördüncü toplantısında, «İnklüziv cəmiyyətlərin qurulması üçün fərqliliklərin aradan qaldırılması» mövzusunda VI Qlobal Bakı Forumunda məruzələri və bu tədbirlərdə iştirak etmək üçün ölkəmizə gəlmiş beynəlxalq ictimaiyyətin nümayəndələri ilə görüş və danışıqlarına dair materiallar toplanmışdır. Azərbaycan Prezidentinin bütün görüş və danışıqlarında Ermənistan–Azərbaycan, Dağlıq Qarabağ münaqişəsinin beynəlxalq hüquq normaları və Azərbaycanın ərazi bütövlüyü çərçivəsində həlli yolları prioritet məsələ kimi qaldırılır ki, bu da hər bir cilddə öz əksini tapır.