Axundzadə Mirzə Fətəli Mirzə Məmmədtağı. Əsərləri: III cild. Bakı, Şərq-Qərb, 2005.

Böyük mütəfəkkir Mirzə Fətəli Axundzadənin yeni əlifba uğrunda mübarizəsi milli maarifin və mədəniyyətin yüksəlişi uğrunda aparılan bir mübarizə idi. Müəllifin öz qeydlərindən də bəlli olur ki, “Kəmalüddövlə məktubları”nın yazılması yeni əlifba uğrunda mübarizə ilə bilavasitə bağlıydı. Əsərlərinin üçüncü cildinə ölməz ədibin yeni əlifba layihəsi və “Kəma-lüddövlə məktubları”nın nəşri ilə əlaqədar bir sıra məktubu daxil edilmişdir. Bu cilddə habelə tanınmış fikir adamının dövlət xadimlərinə, İranın maarifçi yazıçılarına, din xadimlərinə, naşirlərə yazdığı bir sıra məktublar toplanmışdır.