Seyid Əbülqasim Nəbati. Seçilmiş əsərləri. Bakı, Şərq-Qərb, 2004.

Müasirlərinin bildirdiyinə görə, Nəbati çox səxavətli, mərd və nəcib insan olub. İbadətdən ayrılıb camaat arasına çıxan zaman onun simasında xüsusi gözəllik, işıq, nur görünüb. Bəzən şövqə gəlib eşqə, mey və məhəbbətə dair şeir oxuyub. Aydın və məlahətli nitqi dinləyənləri valeh edib. Müasirlərinin çoxu onunla həmsöhbət olmağı özlərinə şərəf bilib.