. Azərbaycan ədəbiyyatı tarixi. On cilddə, ikinci cild. Ortaq başlanğıc (VII-X əsrlər) və intibah dövrü (XI-XII əsrlər) ədəbiyyatı. Bakı, Elm, 2020.

Oncildlik “Azərbaycan ədəbiyyatı tarixi”nin II cildi Azərbaycan yazılı ədəbiyyatının ortaq başlanğıc dövrü (VII-X əsrlər) və intibah dövrünü (XI-XII əsrlər) əhatə edir. Ədəbiyyat tarixçiliyində ilk dəfə olaraq Azərbaycan yazılı ədəbiyyatı tarixi milli ədəbi irsin möhtəşəm nümunəsi olan “Kitabi-Dədə Qorqud”la başlamış, bu ədəbi abidənin şifahi başlanğıc baxımından əhəmiyyəti qeyd olunmaqla bərabər, daha çox yazılı ədəbiyyat olması elmi cəhətdən əsaslandırılmışdır.