Valeh Heydər. Hamı Bunu Bilməli I cild 1 Təmsillər toplusu. Bakı, Füyuzat, 2021.

Valeh Heydərin bütün təmsillərində dərin məna yükü var. Haqsızlığı pisləyən "Canavar və eşşək", savadsızlıqla barışmayan "Yastıq və yorğan", dostluğu, səmimiyyəti, qayğıkeşliyi təbliğ edən "Ağıllı fil və aslan", xəyanətkarlığı, yalanı ifşa edən "Tülkünün xəyanəti", "Bülbülün naləsi", tamahkarlığı tənqid edən "Acgöz qurd" və digər təmsillər həm dərin mənası, həm də sadə dili və oxunaqlı olması ilə diqqəti cəlb edir. Bu əsərlərin hər biri günümüzün problemlərini alleqorik şəkildə nəzərə çatdırır, haqsızlığa, tamahkarlığa, riyakarlığa sanki meydan oxuyur.