Əliyev Heydər Əlirza oğlu. Müstəqilliyimiz əbədidir: on üçüncü kitab: oktyabr, 1997 - dekabr, 1997. Bakı, Azərnəşr, 2004.

Azərbaycan xalqının ümummilli lideri Heydər Əliyevin çoxcildlik əsərlərinin bu cildina 1997-ci ilin oktyabrından dekabr ayına qədər olan dövrdəki çıxışları, nitqləri, bəyanatları, müsahibələri, məktubları, müraciətləri, fərmanları daxil edilmişdir. Burada respublika Prezidentinin Azərbaycan yazıçılarının X qurultayı ərəfəsində ədəbiyyatımızın yaşlı və gənc nəslinin nümayəndələri ilə görüşləri, qurultayda yalnız ədəbiyyat və mədəniyyətin deyil, bütövlükdə müasir Azərbaycanın problemlərini əks etdirən parlaq nitqi, Xəzər dənizinin Azərbaycan sektorunda xarici şirkətlərlə birgə işlənilən "Çıraq" neft yatağından ilkin neftin çıxarılmasına həsr olunmuş mərasimin materialları, Tehranda Islam Konfransı Təşkilatının VIII zirvə görüşündə İslam ölkələrinin dövlət və hökumət başçıları ilə apardığı dərin məzmunlu danışıqları, müxtəlif səviyyəli görüşlərdəki söhbətləri, bəyanatları öz əksini tapmışdır.