Əlimuxtar Muxtarov. Nizami Gəncəvi obrazı bədii ədəbiyyatda (Monoqrafiya). Gəncə, Elm, 2021.

Nizami Gəncəvi dühası əsrlərlə Azərbaycan şairlərinin. ədiblərinin, mütəfəkkirlərinin yaradıcılıq yolunu işıqlandırdığı kimi orta əsrlərdən etibarən şairin özü də bədii ədəbiyyatın obrazına çevrilmiş, nəticədə haqqında saysız-hesabsız bədii əsərlər meydana gəlmişdir. Miqyasa gəlməyəcək dərəcədə çox olan bu bədii əsərlərin mövcudluğu Nizami Gəncəvinin bir Azərbaycan şairi olduğunun və mənsub olduğu xalqın genetik yaddaşında daim zirvə təşkil etməsinin bariz nümunəsidir.