Süleyman Sırrı Efendi. el-Eşbâh ve’n-Nezâir Tercüme ve Şerhi, Îzâhu’l-Eşbâh 2. Cilt. İstanbul, , 2022.

1983. Mes’ele: 84. mes’elenin hâşiyesinde beyân olunduğu üzere zâbıt ile kâide beyninde fark; kâide, meselâ kitâb-ı tahâret ve kitâb-ı salât ve kitâb-ı savm emsâli gerek vesâil ve gerek mesâil ve gerek ibâdât ve gerek mu âmelât ve sâire gibi kütüb-i muhtelife mesâilinin ahkâm-ı lâzimesini müştemil olan kazâyâ-yı külliyye olup, zâbıt ise kütüb-i mezkûreden yalnız birini müştemil olduğu ahkâm-ı lâzimeyi câmi olan kaziyyeler olarak kâide ile zâbıt beynini farkda asıl olan ancak budur, buyuruluyor ise de îzâhât-ı sâlifeden müstefâd olduğu üzere mes’ele-i mezkûrede işâret olunduğu vechile gerek bi-hasebi’l-hakîka ve gerekse isbât-ı hükümce beynlerinde farkın adem-i zuhûruna binâen fark-ı mezkûr gayr-ı fârıktır. [1163]