. Heydər Əliyev və mətbuat: IV cild: noyabr, 2002 - mart, 2003. Bakı, Nurlar NPM, 2003.

Oxuculara təqdim olunan kitabın son dördüncü cildində Azərbaycan Respublikasının Prezidenti Heydər Əlirza oğlu Əliyevin 2000-ci ilin noyabrından 2003-cü ilin martınadək olan dövr ərzində xarici ölkələrə səfərləri və Zirvə görüşləri zamanı kütləvi informasiya vasitələri nümayəndələrinə müsahibələri, bəyanatları, müraciətləri, təbrik və çıxışları toplanmışdır. Bu materiallar dünyaşöhrətli siyasətçi, görkəmli dövlət xadimi Heydər Əliyevin xarici siyasəti, müstəqil Azərbaycanın beynəlxalq aləmdə nüfuzunun getdikcə artması, xarici ölkələrlə əməkdaşlığın, iqtisadi və mədəni əlaqələrin möhkəmlənməsi sahəsində müstəsna rolu, səmərəli fəaliyyəti barədə dolğun təsəvvür yaradır. Zəmanəmizin böyük tarixi şəxsiyyəti və siyasi xadiminin yerli və xarici jurnalistlərlə olan görüşləri təkcə Azərbaycanın deyil, həm də müasir dünyanın mətbuat aləmində yeni tarixi hadisə kimi səciyyələnir. Kitab ictimiai-siyasi fikir və mətbuat tariximizlə maraqlanan oxucular, politoloqlar, siyasətşünas alimlər və diplomatlar üçün son dərəcə qiymətli mənbədir.