İ. Əliyev, D. Medvedyev. XXI əsrin humanitar çağırışları. Bakı, , 2011.

Əziz qonaqlar! Hörmətli Forum iştirakçıları! Sizi Azərbaycanın paytaxtı Bakı şəhərində salamlayır, hamınıza xoşbəxtlik, cansağlığı və uğurlar arzulayıram. Ümid edirəm ki, dünyanın elmi, mədəni və siyasi elitasının bu foruma toplaşmış görkəmli nümayəndələri arasında ətraflı fikir mübadiləsi mədəniyyətlər və sivilizasiyalararası dialoqun gələcək inkişafına geniş imkan yaradacaqdır. Əminəm ki, sizin səmərəli fəaliyyətiniz yeni humanitar siyasətin formalaşdırılmasına, qarşılıqlı anlaşma və əməkdaşlıq mühitinin bərqərar olmasına bundan sonra da layiqli töhfəsini verəcəkdir.