MEK 28 May Müstəqillik Günü ilə əlaqədar virtual sərgini təqdim edir
  
10395

Azərbaycan Milli Elmlər Akademiyası (AMEA) Mərkəzi Elmi Kitabxanası (MEK) tərəfindən 28 May Müstəqillik Günü ilə əlaqədar virtual və ənənəvi formada sərgi təşkil edilib.

Sərgidə MEK-in fondlarından “Azərbaycan Xalq Cümhuriyyəti - 100” fundamental elmi biblioqrafiya, “Azərbaycan Xalq Cümhuriyyətinin qurucuları”, “Azərbaycan Xalq Cümhuriyyəti. Müstəqilliyə gedən yol”,  “Azərbaycan Cümhuriyyəti tarixi, siyasi və ədəbi-kulturoloji müstəvidə”, Şirməmməd Hüseynovun “Müstəqilliyin çətin yolu...reallıqlar, düşüncələr”,  Bəxtiyar Qaraca və Akif Aşırlının “İstiqlal düşüncələri. Cümhuriyyətə aparan yollar”, “Azərbaycan Xalq Cümhuriyyəti (1918-1920). Təhsil siyasəti sənədlər toplusu” (azərbaycan və rus dillərində), Rafael Hüseynovun “Millət yaddaşının keşikçisi”, “Əlimərdan bəy Topçubaşov. İstanbulda diplomatik görüşlər (1918-1919-cu illər)”, Samirə Məmmədli “Azərbaycan Cümhuriyyəti bədii nəsrdə”, Əzizə Nəzərlinin “Azərbaycan Cümhuriyyətində xalq təhsili (1918-1920)”, Həsən Həsənovun “Birinci Respublikaya aparan yolda. Azərbaycan tarixi oçerkləri”, Anar İsgəndərlinin “Azərbaycan həqiqətləri 1917-1920”,  Dilqəm Əhmədin “Mühacirlərin dönüşü” (fotolar və sənədlər əsasında), Çingiz Abdullayevin “Almaniyada Cümhuriyyət arzusu” və digər nəşrlər təqdim olunur.

Nəşrlərdə tariximizin şanlı səhifələrindən, Azərbaycanın 1991-ci ildə müstəqilliyini bərpa etməsindən keçən dövr ərzində tarixi proseslərdən və s. məsələlərdən bəhs olunur.

Sərgi iki həftə boyunca davam edəcək.

İctimaiyyətlə əlaqələr və informasiya şöbəsi

pr.mek.az@gmail.com

(012) 539-73-67 ( daxili 14-14)