Müraciət
  
6315
    Azərbaycan Respublikasının Prezidenti İlham Əliyev çıxışlarında sosial siyasətin Azərbaycanda prioritet məsələlərdən biri olduğunu, bütün görülən işlərin mərkəzində Azərbaycan vətəndaşının dayandığını dəfələrlə qeyd etmişdir. AMEA Mərkəzi Elmi Kitabxananın rəhbərliyi  şəhid ailələri və Qarabağ müharibəsi əlillərinin ailələrinə münasibətdə  ölkə Prezidentinin ali missiyasını yüksək dəyərləndirir. İnformasiya cəmiyyətinin üzvü olaraq Azərbaycan vətəndaşının informasiya resurslarına çıxışının təmin edilməsi də prioritet sosial məsələlərdəndir. Bu məsələ şəhid ailələri və Qarabağ müharibəsi əlillərinin ailələri, akademiyanın elmi-tədqiqat  müəssisələrində çalışan ziyalılar  üçün də  xüsusi əhəmiyyət daşıyır.
    Yuxarıda qeyd edilənləri nəzərə alaraq, AMEA MEK-in rəhbərliyi aşağıda göstərilən güzəştlərin tətbiq edilməsinə razılıq verilməsini AMEA Rəyasət Heyətindən xahiş edir:

1. Şəhid ailələri və Qarabağ müharibəsi əlillərinin ailə üzvü olan tələbə və tədqiqatçılar üçün MEK-ə üzvlülük ödənişsiz olsun.

2. AMEA-nın elmi-tədqiqat institutlarında, təşkilatlarında çalışan alim və tədqiqatçılar üçün kitabxana xidməti güzəştli şərtlərlə həyata keçirilsin.