MEK “Vikipediya” Metodik Mərkəzinin könüllüləri tərəfindən Əli bəy Hüseynzadənin övladları haqqında məqalələr yaradılıb
  
6247

Azərbaycan Milli Elmlər Akademiyası (AMEA) Mərkəzi Elmi Kitabxanasının (MEK) “Vikipediya” könüllüləri Əli bəy Hüseynzadənin övladları Səlim Turan və Feyzavər Turan haqqında məqalələr yaradıblar.
Səlim Turan haqqında məqalədə onun heykəltəraş, Türkiyədə nonfiqurativ rəsmin banisi, abstraksionizmin dünyada tanınmış nümayəndəsi olduğu bildirilir, rəssamın həyat və fəaliyyəti, əsərləri barədə məlumat verilir.
Feyzavər Turan haqqında məqalədə qeyd olunur ki, o, atasının irsinin qorunub saxlanılması üçün 2017-ci ildə Əli bəy Hüseynzadəyə məxsus 37 təsviri sənət əsərini, 48 fotoşəkli, 53 şəxsi əşyanı, 22 orden, medal və nişanları, eləcə də ipək üzərində çap olunmuş “Həyat” qəzetini Azərbaycan hökumətinə hədiyyə edib. Bunların bir qismi Azərbaycana gətirilib və bərpa edilib. Əsərlər hazırda İstiqlal Muzeyində qorunub saxlanılır.




İctimaiyyətlə əlaqələr bölməsi

pr.mek.az@gmail.com
(012) 537 19 82