MEK-in Sərgi salonunda 2000 nüsxə sənəd sərgilənir
  
2520

AMEA Mərkəzi Elmi Kitabxanasının (MEK) Sərgi salonunda 2000 nüsxə sənəd mövcuddur. 1500-dən çox sənəd Sərgi salonunda daim olaraq nümayiş etdirilir. Digər sənədlər isə gündəlik olaraq yenilənir. Buraya MEK-ə son 15 gün ərzində daxil olan sənədlər və əlamətdar günlərlə əlaqədar təşkil olunan sərgilər aiddir. 2019-cu ildə Sərgi salonuna 127 adda sənəd daxil olub. Bu sənədlərə Milli Rəqəmsal Yaddaş siyahısına daxil edilmiş “Xəlil Rza Ulutürkün poetikası” (müəllif Əlizadə Əsgərli), “Azərbaycançılıq” (müəllif Nizaməddin Şəmsizadə), iki cildlik “Azərbaycan Ordusunun tarixi” (müəllif Mehman Süleymanov) və başqa əsərlər aiddir. Hal-hazırda Sərgi salonunda 20 Yanvar faciəsi və şəhidlərimizin xatirəsinə həsr olunan yeni sərgi hazırlanır. Sərgi salonundakı elekton tabloda daimi sərginin kataloqı istifadəyə verilib. Sərgi salonu eyni zamanda oxucuların mütəmadi istifadə edə bildikləri mütaliə mərkəzidir.




İctimaiyyətlə əlaqələr bölməsi

pr.mek.az@gmail.com
(012) 537 19 82